Skúlin og vit øll føðingardag og eisini talentkapping

Enn ein hendingaríkur dagur í okkara skúla. 21.februar fylti skúlin. Vit hátíðarhalda altíð hendan dagin. Vit halda føðingardag fyri skúlanum og eisini fyri okkum øllum. Vit syngja føðingardagssangir og eta leskiliga kringlu, frá bakarínum á Skála, sum er elsta bakarí í Føroyum. Hendan dagin høvdu vit eisini talentkapping. Næmingaráðið stóð fyri talentkappingini og komu tey sera væl frá hesum. Hetta er ikki ein kapping, tí øll eru vinnarar, sum hava dirvi, at traðka fram og øll fáa góðgæti afturfyri. Í ár vóru fleiri, sum vístu ymisk kynstur, nevnast kann gandakynstur, sangur, tónleikaframførslir,hulahoppringa kynstur. 7.fl. fingu øll upp at dansa og tað dámdi øllum sera væl. Ein deiligur dagur, myndirnar tala fyri seg.