Mikudagin byrjaði skúlin aftur. Tað er altíð spennandi at byrja eitt nýtt skulaár, og ikki minst at hitta næmingarnar aftur! 

Nógv er at práta um, hvussu summarfrítíðin hevur verið, hvat vit fara at gera hetta skúlaárið bæði av nýggjum og tað, sum vit longu eru farin í gongd við seinasta skúlaár, og sum vit fara at halda fram við.

Tað er altíð nakað heilt serligt, at heilsa uppá teir nýggju næmingarnir, sum trína inn um skúlans gátt á fyrsta sinni.

 Í ár komu 11 børn í forskúla, og 5 børn í 1. flokk.

Vit gleða okkum at verða saman,  og at  fáa ein góðan og innihaldsríkan skúladag, har trivnaður og læring er í hásæti.