Norðagøtu til Lorvíkar

Vit høvdu ein sera góðan túr í gjár í Útilívi. Vit vóru 24 næmingar og tvey vaksin, hetta vóru næmingar í 6. og 7.fl. Sólin bakaði allan vegin og tað var stilli, ein sjáldsama vakur heystardagur. Tey vóru sera røsk og ansaðu væl eftir hvørjum øðrum í brattlendinum. Nakrir útlendingar fóru til gongu, tá vit fóru. Tey tóku til, hvussu ófør hesi fittu røsku børnini úr Skála skúla vóru, tey kláraðu als ikki at fylgja við okkum. Komin oman til bygdina fóru vit at bovla og eta. Lagið var gott í bussinum heimaftur, tey undirhildu við sangi tað mesta av túrinum. Gott at tey duga fleiri sangir uttanat.