Talvkapping

Mikudagin var innanhýsis talvkapping í skúlanum. Spenningurin var í hásæti. Næmingarnir hava telvað trúliga nógv fríkorter og onkrar løtur í tímanum og nú skuldi slagið standa.Allir næmingar luttóku. Teir vóru deildir upp, so at forskúlin, 1.2.3. og 4.fl. vóru í einum bólki og 5.,6. og 7.flokkur vóru í einum bólki. Tað var ógvuliga tætt hjá fleiri. Tá avtornaði vóru Pauli, Aron og Aura ávikavíst, nummar eitt, tvey og trý í yngra bólkinm og í eldra varð Regin nummar eitt, Hørður tvey og Jón Bjarki nummar trý. Seinast í hesum mánaðinum, verður talvkapping í Gøtu. Vónandi standa vit okkum væl har. Vit eru sera glað fyri, at okkara næmingar vísa so stóran áhuga fyri talvi, tí talv er sera mennandi fyri hugsavnan, samstarv og fakliga, serliga fyri støddfrøði.