Í heyst flettu vit tríggjar ær, og nú var tíðin komin til at gera kjøtpylsu. Hetta høvdu vit ikki roynt fyrr, so vit vóru sera spent. Børnini hjálptu til. Eisini leitaðu  vit okkum góð ráð frá heimildarfólki á Skála, og í gomlum uppskriftsbókum. Vit eru sera vælnøgd við úrslitið -15 stórar kjøtpylsur. Nakrar kókaðu vit beinaveg, og nakrar hava ligið í laka og eru síðan kókaðar. Eisini liggja  nakrar enn í laka -tær ætla vit ikki at kóka, men at hanga upp.
 
Sum heild halda bæði starvsfólk og næmingar, at kjøtpylsurnar smakka sera væl. Ætlanin er at selja kjøtpylsu á Reyða Kross degnum í mai (um nakrar eru eftir tá :) .