Í samband við mentunarvikuna fara vit at hava tvey tiltøk í skúlanum. Mikudagin 27.apríl, verður tann stóri dagurin. Vit byrja kl.10.00 við felags morgunsangi, har øll eru hjartaliga vælkomin at luttaka. Umframt at hava vanligan morgunsang,fer skúlakórið,har næmingar úr øllum flokkum luttaka, at syngja. Tað eru Jón Magnus og Gunnar, sum hava vant við næmingunum. Eisini fara næmingar frá musikkskúlanum at luttaka. Aftaná morgunsangin bjóða vit kaffi og smákøkur, sum næmingarnir hava bakað.

Frá kl.14.00 til 18.00 verður endurnýtslucafe. Har verður ein rúgva av klæðum og lutum at keypa.Vit fara eisini at selja vaflur, sum næmingarnir hava bakað,og kaffi, te og sunkist.
Allur peningurin fer til Reyða kross, sum ger eitt megnararbeiði, bæði her heima og runt um í heiminum.
Vit høvdu verið sera fegin, um tit kunnu lata okkum klæðir og lutir. Til ber at seta tað inn í gongina í skúlanum.
 
Tíverri er bara møguleiki at gjalda við reiðum peningi.

Vit fara í ár, at royna nakað nýtt;) vit fara at selja ymiskt, sum vit hava gjørt, í samband við, at vit eru ein grønur skúli, og arbeiða fyri einum burðardyggari Føroyum.

Vit takka mangar ferðir fyri stuðilin!