Í morgun var tað nakað heilt serligt hjá næmingunum, at koma í skúla. Endiliga var løtan komin, sum tey hava bíðað eftir í spenningi. 30 lítlir fittir høsnarungar eru komnir í Skála skúla og børnini høvdu ongan hug at fara í tíma, tey høvdu hugsað sær, bara at staðið og hugt eftir hesum fittu lítlu pippandi dúnknýtunum.

Teir skulu nokk fara at hava tað gott, tí her eru so nógv børn, sum eru góð við teir.