Helgi D. Ziska vitjar skúlan

10feb

Mikudagin, 10. februar, fingu vit vitjan av einasta føroyska stórmeistaranum í talvi, Helga Dam Ziska. Helgi greiddi frá, hvussu hann byrjaði at telva og gav næmingunum nøkur góð ráð. Hann vísti myndir frá hansara talvlívi.

Síðan var simultankapping á skránni, har fyrst yngru næmingarnir sluppu at spæla móti honum. Seinni teir eldru. Umleið 60 næmingar telvaðu tilsamans móti honum.

Helgi vann øll - men sum eitt kurteisi, so bjóðaði hann javnleik í vunnari støðu :) 

Skála skúli takkar Helga D. Ziska fyri vitjanina.