Næmingarnir hava luttikið í einari talvkapping á skúlanum tríggjar fylgjandi fríggjadagar á rað. Fyrst vóru tað teir yngru næmingarnir frá 1. - 4. flokk, ið telvaðu (22. jan.) Næsta fríggjadag (29. jan.) vóru tað teir eldru, ið telvaðu.

Fýra teir bestu í hvørjari deild komu víðari til finaluna, ið var í dag, 5. feb. 

Úrslitið hjá teimum yngru:

Jón Bjarki Eiriksson nr 1, Ben O. Dulavík Berg nr 2, Andrias Lamhauge nr 3 og Lilja Dam Jacobsen nr 4

Úrslitið hjá teimum eldru:

Leander Joel Carlsson nr 1, Regin Borgarsson nr 2, Hørður Alexandursson nr 3 og Sámal í Selvindi nr 4.

Borgarstjórin, Torbjørn Jacobsen, handaði medaljur út, gull, silvur og bronsu, til vinnararnar. Tey, ið blivu nr 4, fingu heiðursbræv.

Torbjørn spældi ein spontanan talvdyst móti Jón Bjarka Eiriksson, vinnaranum hjá teimum yngru. Dystargongdin bylgdist aftur og fram, men Torbjørn dró longsta stráðið.

Næmingarnir vístu góðan kappingaranda og áhuga fyri hesum gamla og vitberandi hugaítrótti.