Útilív er góðalív

Nú er tíðin aftur komin, at vit fara út seinnapart mánadag og mikudag. Ein bólkur fer at spæla ymisk spøl og hini fara ymiskar túrar. Í gjár vóru vit við Prestá. Emil greiddi næmingunum frá, um gomlu kirkjuna, og eisini hoyrdu vit áhugaverdar sagnir. Vit vóru so heppin, at vit hittu menn, sum vóru í ferð við at grava eftir møguligum fornleivdum. Teir vístu okkum amboðini teir brúktu og greiddi frá. Eisini greiddi Tummas frá ymiskum. Næmingarnir vóru sera áhugaðir. Í seinastu viku vóru vit og savnaðu rusk, serliga rundanum vøllin. Vit heintaðu 25 kg. og tað mesta var sigarettstubbar og sum ikki einaferð snúsposar. Vit hava eisini verið ein deiligan súkklutúr út á Strendur. Tað ger tað ikki verri, at man sleppur at keypa okkurt gott eisini.