Vit syngja føroyskt

Sjálvan kvinnudagin, 8.mars, var ein hugnalig sangløta í Skála skúla. Hetta var í samband við KVF hevði eina syng føroyskt viku. Ein rúgva av fólki vóru møtt upp. Tað vóru bæði børnini í vøggustovuni og barnagarðinum, foreldur, ommur og abbar og fólk annars av Skála og aðrastaðni. Ymiskir barnasangir vóru á skránni, barnasangir, føðilandssangir og sálmar. í samband við sangløtuna høvdu Jón og Gunnar vant nakrar sangir við næmingum í 3. og 4.fl., tey sum ynsktu tað, hetta kórið sang og ljóðaði tað sera væl. Stuttligt at skipa fyri einum tiltaki, tá undirtøkan er so góð.