Hósdagin var hugnaløta fyri Juliu,nú hon er givin at arbeiða. Julia hevur arbeitt í 30 ár á skúlanum. Hon hevur einamest undirvíst í støddfrøði, alis og evnafrøði, lívfrøði og náttúru og tøkni. Hon hevur eina stóra vitan innan hesar lærugreinar, sum skúlin hevur notið gott av. Hon hevur tó eisini undirvíst í nógvum øðrum lærugreinum og eisini verið flokslærari. 

Røður vóru hildnar, Arnfríð hevði yrkt ein sang til Juliu og eisini fekk Julia ein málning, sum okkara egni listamálari hevði málað. 

Vit takka Juliu fyri gott samstarv og vóna at síggja hana á skúlanum av og á til eitt gott prát.