Vælkomin aftur í skúla

So eru vit komin væl í gongd við nýggja skúlaárið. Vit eru øll spent, tá vit byrja eitt nýtt skúlaár, men eg rokni við, at tey sum koma fyrstu ferð í skúla, forskúlin, og tey sum byrja í 1.flokki, eru serliga spent. Í ár komu 10 børn í 1.flokk, tey síggja vit á myndini, og 13 í forskúlan. Næmingarnir eru longu farnir, at rokast uttanfyri. Veltan var full av grasi, so tað var bara eitt at gera, og tað var at fáa grasið burtur. Eisini runt um runnarnar, hevði grasið breitt seg. Tað hjálpti væl, at vaflur vóru at fáa aftaná.