Tá tey ringdu frá felagsskapinum Rudda Føroyar, um vit høvdu hug at verða við, søgdu vit beinavegin ja. Umboð fyri Rudda Føroyar, kom at greiða okkum frá og tað var sera áhugavert. Hon fekk sjálvandi eitt innkeypsnet, sum børnini høvdu seymað, sum gávu frá okkum. Seinastu vikuna hava vit so ruddað kring bygdina. Vit ruddaðu fram við sjóarmálanum frá Skipasmiðjuni og út til Prestá, niðan við Prestá og heimeftir vegnum til skúlan. Eisini ruddaðu vit við íróttarøkið og kring skúlan. 

Í fjøruni var mest av jarndeilum, s.s. jarnstengur, partar av motorum, plastikkíløt, sum hol var komið á, plastikk av ymiskum slagi og garn, nylon og togendar. Við Prestá og framvið vegnum var mest av innpakkningi av mati og góðgæti, sigarettstubbar og eingangskoppar. Við ítróttarøkið funnu vit sum altíð eina rúgvu av sigarettstubbum, snúsposar og dósir, umframt innpakning av ymiskum, sum fólk hava hugnað sær við, s.s. bomm, pizza, sodavatn og blikk.

Kring skúlan var ikki so nógv, tíbetur eru børnini  ófør at brúka rusksíløtuni.

Trýst her fyri at lesa meira