JazzKids í Skála skúla

31jan

Mikudagin var listaleypurin og vitjaði við einari jazzverkstovu.

JazzKids er ein verkstova, ið hevur undirvísarar úr Noregi og Japan. Við teimum vóru 4 næmingar, 2 úr Noregi, 1 úr Danmark og 1 úr Føroyum. Saman við næmingum úr miðdeildini arbeiddu tey so við ymiskum ljóðførum, sum næmingarnir sjálvir áttu ella ljóðføri frá skúlanum.

Á middegi høvdu tey vitjandi eina konsert, har tey lýstu søguna hjá Jazzinum í 1900 talinum. Síðani sluppu næmingarnir, sum høvdu verið við til verkstovuna at spæla tónleik saman við teimum. Næmingarnir í Skála skúla høvdu eisini møguleika at spæla ófyrireikaðan tónleik (improvisera). 

Konsertin eydnaðist væl, og takka vit fyri, at listaleypurin kom til okkara skúla við hesum tiltakinum.