Vit eru sera fegin um at hava vunnið veðurlagsvirðislønina. Hetta er eitt ordans herðaklapp, og gevur okkum ordiliga hug til at arbeiða víðari við at gerast enn meira burðardygg.
 
Í grundgevingini at lata Skála skúla virðislønina sigur Lærarafelagið millum annað, at Skála skúli er ein skúli, ið hevur skarað framúr í arbeiðinum at geva børnum og ungum áhuga fyri og innlit í veðurlagsavbjóðingar og loysnir á veðurlagsavbjóðingum.
 
Vit ynskja at takka tykkum øllum sum hava stuðlað okkum so væl, m.a. vð at lata klæðir og lutir inn til endurnýtslukaféina, teimum ið hava keypt endurnýtslunet og ikki minst teimum ið hava tikið sær tíð at svara spurnabløðunum, ið næmingar hava tikið heim við.
 
Ein sera týdningarmikil lyklapersónur hevur verið húsavørður okkara, Pauli, sum m.a. hevur smíðað kassar til sankutøð, ansað høsnarungar, áðrenn teir komu úr eggunum og aftaná.
 
Vit gleða okkum at feira tað í skúlanum saman við næmingunum :)