Hans Andrias Djurhuus 140 ár

Seinastu dagarnar hava vit arbeitt við teimum nógvu vøkru sangunum hjá Hans Andriasi. Hann er uttan iva tann, sum hevur yrkt nógv mest av barnasangum, hvør vakrari enn annar. At hugsa sær, at vit enn syngja hesar sangir, so nógv ár eftir, at teir eru yrktir. Teir hava havt og hava enn meira í dag, harða kapping við tað nógva útlendska tilfarið, sum flómir inn í okkara lítla land. Jón spældi klaver og næmingarnir skuldu gita, tá hann byrjaði ein sang. Vit starvsfólk frøddust, tá næmingarnir byrjaðu ein sang fyri og annan eftir, sum tey kendu.