Góðu tit

Vit arbeiða áhaldandi við burðardygd, endurnýtslu og dálking. Í hesum sambandi kemur Sissal frá IRF at greiða næmingunum frá ymiskum fríggjadagin 27.mars.

Mánadagin 30.mars fara 0.,1.2. og 3.fl. og mikudagin 1.apríl fara 4., 5., 6. og 7. fl. at vitja á IRF. Eftir vitjanina fara tey at bovla og eta burgara og kips. Næmingarnir skulu hava 100 kr. við til bovling og máltíðina aftaná, sum tey skulu geva flokslæraranum, tað kunnu tey gera beinavegin. Um nakað er at spyrja um hesum viðvíkjandi, skrivið ella ringið so endiliga til mín.

Blíðar heilsur

Nomi

Hesi fittu forskúla børn høvdu fyrsta skúladag mánadagin 19.august :)

Vika 43 og 44

Vit hava arbeitt í bólkum (ugeskema) síðan heystferiuna og hetta sær út til at rigga væl. Í bólkunum arbeiða vit við málmenning, rørslum, talfatan v.m. Børnunum dáma væl at arbeiða eftir hesum leisti.????

Vit hava skift pláss og sita ikki longur í heystaskógvi, men saman tvey og tvey.

Í viku 43 var tað forskúlin sum hevði morgunsangin. Tað merkir, at tey valdu sangir og tað vóru eisini tey sum trakaðu framm og leiddu morgunsangin . Tey dugdu og tordu sera væl.

Vit hava gingið túrar og týsdagin 29. oktobur vóru vit ein túr í bátahylinum og sóu krossfiskar, skrubbur og ymisk sløg av fiskum.  Myndin omanfyri er frá túrinum.

Í dag hava vit hongt nummar 50 upp á talrekkjuna, tí spæla vit ”bingo” í dag. ????

Gott vikuskifti

Vika 40

Hesa vikuna hava vit arbeitt við ferðslu. Tá vit vóru túr týsdagin, snakkaðu vit um ferðslu, um hvussu vit skulu gera tá vit fara yvir um vegin og líknandi.

Aftaná heystferiuna skulu vit í forskúlanum velja sangir til felagsmorgunløtuna í skúlanum. Hesa vikuna hava vit vant sangirnar og sungið nógv. Børnini duga sangirnar væl. Sangirnir sum børnini hava valt eru: Dukka mín er blá, Heystkanón, Lítli Pætur eiturkoppur, Farvæl og takk, Faðir vár. Hygg mín kjóli. 

Fríggjamorgun í 1. fríkorteri kemur spæliliðið at spæla spøl við okkum í forskúlanum. Spæliliðið eru nakrir dugnaligir næmingar úr 7. flokki. Hetta riggaði sera væl og børnini hildu tað var stuttligt:)

Takk fyri eina góða viku, síggjast aftur mándagin.

Vika 38

Nú hava vit gingið í forskúla í 5 vikur:)

Týsdagin vóru vit ein túr í heystveðrinum. Vit gingu ein túr í tí síða váta grasinum. Nú eru nógvar hvespur arbeiðleysar og komu at heilsa uppá okkum, men vit vóru ikki áhugaverd, so tær fóru víðari. Tað besta var at hava góð regnklæðir.

Hesa vikuna hava vit tosað um ljóskurvina. Hvussu vit skulu tosa við hvønnannan, hvussu vit eru saman og hvussu vit prátað við hvønnannan. Eisini hava vit tosa um kenslur t.d. at vera spent og at keða seg.

Nøkur av spølunum vit hava spælt hesa vikuna hava  "Teljiramsur" -"Trý ross stóðu á einum bási"-"Bjørnin svevur"-"Hvør hevur bóltin"- "Ogga Gogga" .

Nú duga vit sangin "Heystkanon" væl.

Takk fyri eina góða viku.

Vika 37

Mánadag: Vit hava vent borðunum øvutan veg og tað hevur rigga sera væl. Annars hava vit eisini perla, skriva og spælt málspøl.

Týsdag: Byrjaðu dagin við at skriva og práta. Aftaná morgunsang runnu vit 5 kilometrar og tá vit komu aftur, fingu vit heitt kaka og bollar.

Mikudag: Vit hava verið í bólkum, har tann eini bólkurin var í miðhøllini og koyrdi á rullubrettum og hin bólkurin spældi málspøl. Vit hava tosa um at vera syrgin/kensluborin í dag.  

Hósdag: Vit byrjaðu dagin vit at fara við bussinum út á Strendur at svimja. Tá vit komu móð og svong heimaftur, ótu vit matpakkan. 

Fríggjadag: í dag hava hava vit lært nýggjan sang "heystkanón". Eisini hava vit roynt eitt nýtt spæl "Hvør hevur bóltin" 

Takk fyri eina sera góða viku:)

Vika 36

Í hesu viku hava vit: lurta og leita eftir ljoðinum frá eini klokku, teska í oyra og vita, hvussu nógv ein søga kann broytast, spælt stavilsiskrýggj, spælt á bongotrummu og hoyrt tvætlisøgur o.a.. Eisini hava vit verið hjá fotograf á skúlanum,og tað gekk sera væl. 7.flokkur hevur sagt okkum fra túrinum tey vóru á í maj mánaði í ár, hetta var sera áhugavert og spennandi at hoyra um og síggja. Í dag hava vit broytt, hvussu vit sita í stovuni. Nú sita vit øll við rygginum til talvuna og mugu venda okkum við, tá ið vit skulu hyggja upp á talvuna, tað riggar eisini. Vit hava fingið at vita, at í næstu viku fara vit.at vera koyrd í tveir bólkar. Annar bólkurin fer í miðhøllina at gera ymiskar rørslur og hin verður inni í stovuni, har ymisk spøl vera á skránni og so skifta vit aftaná umleið 10 min, og hetta fara vit at gera, hvønn mánadag, mikudag og fríggjadag. Takk fyri eina sera góða viku :)

Vika 35

26.august hava vit tosað um dagin, dato og ár. Eisini hava vit t.d. talt hvussu nógv børn eru í forskúla og hvussu nógvar gentur og dreingir eru í flokkinum. Vit vóru úti og spældu í øllum regninum, sjálvandi væl íklødd eftir veðriðnum, har var stuttligt at vassa og sprutta :) 

27. august hava vit verið okkara fyrsta túr úti. Vit fóru oman á Gamlaveg at telja nest og ymiskt var, hvussu nógv vit funnu :) Á veg heim aftur í skúlan, fóru vit inn í Skálan at keypa frukt, og har var sera spennandi at ganga. Komin aftur til skúlan, spældu vit tvey stuttlig spøl 1) "hundur og kjøtbein" og 2) "hvar er klokkan".

28.august høvdu vit ein lut við, ið var eitt loyndarmál. Hini børnini skuldu lurta eftir okkara ljóðum ein og ein ísenn og síðani gita, hvat tað var vit høvdu við. Tað var sera stuttligt og spennandi. Síðani fóru vit at tekna eina ballón, ið skuldi nýtast til, at líma eina mynd og okkara føðingardag á.

29.august spældu vit aftur spæli "hundur og kjøtbein" og hvønn dag hava vit nógvar spæliløtur. 

30.august spældu vit "hvar er klokkan", tá mugu vit vera sera friðarlig, tí tann Ið leitar má hoyra klokkuna. Takk fyri eina góða viku, síggjast aftur mánadagin 2.sep. :)

Myndatøka:

Vit fara at taka skúlalmyndir mikudagin 4.september. Tit, ið ynskja myndir, vera biðin um at flyta peningin á konto 6460 2201536. Prísurin fyri eitt skúlamodul er 250 kr. Einans floksmynd 50 kr.