Hesi størv verða lýst leys at seta frá 1. august 2018:

• 1 lærara fulla tíð í tíðaravmarkað starv skúlaárið 2018/19 vegna lækkað tímatal, og avlopstímar.
• 1 lærara  uml. tríkvart tíð í tíðaravmarkað starv skúlaárið 2018/19 vegna lækkað tímatal, og avlopstímar.
• 1 lærara tríkvart tíð í fast starv í forskúlanum. 

 
Søkt verður eftir starvsfólkum, sum

• eru samstarvs- og virkisfús, fyrikomandi og løtt at koma á tal við.
• eru sinnað at taka á seg tær uppgávur og avbjóðingar, sum starvið og tíðin krevur.
• leggja dent á nærlagni, stundvísi, fakliga og námsfrøðiliga menning.
   

Førleikakrøv til lærara størvini

Tey, ið sett verða, skulu hava læraraútbúgving.

Skúlanum tørvar lærarar, ið kunnu átaka sær floks-/toymisleiðslu, KT-varða arbeiði, AKT arbeiði, svimjing við dreingjum og annars at undirvísa í øllum lærugreinum.

Lønar- og setanartreytir
Lærarastørvini verða sett sum sáttmálasett størv, uttan so, at tann, ið settur verður, er tænastumannasettur lærari frammanundan. Størvini eru lønt í lønarflokkunum 18.1 – 29.2 sambært avtalu millum Fíggjarmálaráðið og Føroya Lærarafelag. Tímatalið til tey tíðaravmarkaðu lærarastørvini verður ikki endaliga ásett fyrr enn 1. okt. 2018.

Umsóknir
Umsøknir við C.V. og avriti av prógvum skulu vera fyrstalæraranum í hendi í seinasta lagi fríggjadagin 1.juni kl. 12.00.

Meira kann fáast at vita um størvini frá fyrstalæraranum Don Ey. Joensen á tlf. 237052.