Nógvir skúlar í Føroyum hava talv á skemanum í grunddeildini. Hetta er eitt hugskot, sum er íkomið av góðu úrslitunum í talvi hjá stórmeistaranum Helga Dam Ziska.

Vit í Skála skúla telva ein tíma um vikuna í 2 – og 3 árgangi. Helgi ferðast út á skúlarnar nakrar ferðir um árið, har hann telvar ímóti næmingum.

Kappingin í Løkshøll var fyri allar næmingar í triðja flokki í Eysturoynni, sum hava talv á skemanum. Tað vóru millum 60 og 70 næmingar.

Tað skuldu verða 6 næmingar á hvørjum holdi, settir eftir styrki. Stinnasti næmingurin sat á fyrsta borði, og næst stinnasti sat á næsta borði osv. ´

Tað varð  telva við klokku. 10 min. hvør dystur.

Vit høvdu tvey lið við í kappingini.

Næmingarnir hjá okkum kláraðu seg væl. Annað liðið fekk 10 stig og hitt 18 ½ stig. Liðið sum vann kappingina fekk 20 ½  stig.