Hesa síðstu vikuna hava vit arbeitt við ymiskum, ið hevur við grækarismessuna og tjøldrini at gera. Millum annað hava næmingarnir prýtt veggin í miðhøllini (myndin). Sera vakurt. í dag, 12. mars, fóru øll út í skúlagarðin, har vit vundu flaggið á stong og sungu fyrsta ørindi í sanginum "Tjaldur ver vælkomið". Síðani fóru vit inn í miðhøllina, har vit sungu og hoyrdu søgur um tjaldrið, sum næmingarnir høvdu skrivað.