Føstulávintsmánadagur er nakað heilt serligt, eisini í skúlanum. Henda dag, koma vit bara í skúlan at hava tað stuttligt og hugna okkum. Bæði næmingar og lærarar vóru útklødd, onkur so væl, at tey vóru ikki til at kenna aftur.

Vit byrjaðu, sum altíð, við togtogan. Tað var sera javnt og spennandi. Vit hava dansað føroyskan dans seinastu vikurnar, so vit riðu Ediling, og tað riggaði bara væl. Nú var tað, at tunnurnar skuldu sláast. Spenningur var til seinastu løtu :)

Aftaná fingu børnini okkurt gott og so var enn ein góður skúladagur av.