Gleðilig jól og gott nýggjár

30des

 
Aftur í desembur mánaði í ár, hava vit brúkt ein part av skúladegnum til verkstøð. Hetta dámar næmingunum sera væl, og hava tey her møguleika at arbeiða við nógvum ymiskum kreativum, sum tit heima, uttan iva, hava fingið í jólagávu.
Næmingarnir hava arbeitt í  verkstøðunum við t.d. at mála, gjørt film, kóka bomm, bakað, smíðað, gjørt ymiskt   jólaprýði o.s.fr. 
 
Eitt av hæddarpunktunum hjá okkara næmingum er árliga jólaborðhaldið, har tey sjálvi skipa fyri undirhaldi, mati og borðpynti v.m.Matin hava tey sjálvi fingið til høldar. Tíbetur fingu vit  møguleika at hava hesi jólaborðhald, áðrenn koronastøðan versnaði so nógv,at vit fingu boð um at fara í jólafrí, nakrar dagar áðrenn ætla. Av hesum, var heldur ikki møguligt, at fara í kirkju, sum er ein hugnaligur siður, seinasta skúladag, fyri jól. Næmingarnir sótu tí í sínum egnu skúlastovum og sóu  jólaguðstænastu á netinum. 
Vit endaðu seinasta dagin, við einum felags morgunsangi, í tryggari frástøðu, har báðar hæddinar í skúlanum, vórðu brúktar.   
  
Vit ynskja tykkum øllum eini gleðilig jól og eitt eydnuberandi nýggjár. Takk fyri gott samstarv í brátt farna ári. Vit síggjast aftur mikudagin 5. januar kl. 8.