Í samband við mentunarvikuna høvdu vit tvey tiltøk í skúlanum. Mánamorgunun høvdu vit felags morgunsang, har øll vóru vælkomin at luttaka. Umframt at hava vanligan morgunsang, sum 7.flokkur stóð fyri, spældu og sungu næmingar frá musikkskúlanum. Eisini spældi og sungu okkara egna húsaorkestur, undir leiðslu av Jón og Gunnar. Vit eru sera glað fyri, at vit fingu nógvar gestir. Aftaná morgunsangin fingu tey kaffi og smákøkur, sum næmingarnir høvdu bakað.

Hósdagin høvdu vit endurnýtslucafe. Vit høvdu fingið eina rúgvu av lutum og klæðum, sum bleiv selt fyri ein bíligan penga. Eisini kundi ein keypa vaflur, sum næmingarnir høvdu bakað,og kaffi, te og sunkist.
Næmingarnir stóðu fyri øllum og vóru teir sera raskir.
Aftur her spældu og sungu okkara egna kór. Tíbetur komu nógv at vitja í skúlanum hendan seinnapartin. Inn komu nærum 7000, 00 kr. sum fer til Reyða kross, sum ger eitt megnararbeiði, bæði her heima og runt um í Verðini.

Vit takka mangar ferðir fyri stuðilin.