Seinastu átta vikurnar hevur okkara 6. flokkur verið partur av kappingini First Lego League.

Evnið í ár var "City Shaper." Okkara 6. flokkur valdi at inniloka dokkina við einum bygningi, ið skal verða til frama fyri skálafólk og onnur her á leiðini. Tey valdu eina loysn, ið minnir um Copenhill á Amager.

Ein partur av verkætlanini var eisini at marknaðarføra og vísa, hvussu tey høvdu brúkt kjarnuvirðini í First Lego League. Umframt hetta skuldu tey programmera ein robott, ið skuldi loysa ymsar uppgávur. Hetta riggaði avbera væl, tí tey endaðu nr. 2 í tøknipartinum.

Samanumtikið átta sera avbjóðandi, spennandi og strævnar, men læruríkar vikur. 

Fleiri myndir eru á síggja í myndasavninum hjá 6.flokki.