Í samband við garðdagin, sum var í vár, setti Petur Steingrund, saman við næmingunum, eina lítla eplaveltu niður. Vit vóru sera spent um hvussu fruktaði, nú tíðin var komin at taka upp og vit eru sera væl nøgd. Undir onkrum flagi vóru heilt upp í 20 epli, tó skal sigast, at tá varð hvørt epli talt við, eisini tey heilt smáu. Alt varð skrivað í grønu bók, plantubókina, so vit kunnu rokna út, hvar var mest undir og  hvat slag av eplum fruktaði best. 

So nú eiga vit nógmikið av eplum, og flak hava vit frá útivikuni í summar, tá vit vóru og fiskaðu, so nú fara vit at fáa okkum ein góðan døgverða skjótt. Onki smakkar so væl, sum tað ein sjálvur hevur  stríðst fyri;)