6.flokkur víðari til finalu-umfarið í skúlafótbólti

30nov

6.flokkur hevur eisini verið til skúlafótbólt suðuri í Vági. Árla á morgni stóðu tey klár við bakaríið á Skála fyri at sleppa við Bygdaleiðum suður til Havnar. Bussurin koyrdi kl 7.55, men tey komu ikki á Havnarkai fyrr enn kl 8.25, so tá mátti rennast eftir bildekkinum, tí landgongdin var stongd, Smyril skuldi sigla um 5 minuttir, men tey náddu tað. Ferðin suður gekk væl, veðrið var gott, ættin var hin rætta fyri at sigla Suðuroyarfjørð. Komin suður sluppu tey at svimja í Pálshøll. Teir heitu pottarnir uttanfyri vóru væl vitjaðir. Væl gjøgnumbloytt og upphitaði komu tey í Marghøllina og gjørdu bart. Liðið spældi 6 dystir, vann 5 og spældi ein javnan.Hetta ber í sær, at í mai mánaða mugu tey aftur til Vágs til finaluumfør. Vælhýrd gekk leiðin heimaftur. Nú runaði hann sjógvin, men Jacob hevði loysnina móti sjóverki, eina fløsku av ingiferdrykki. Klokkan var 22.30, tá øll vóru aftur á Skála. Ein væleydnað ferð.