Av tí at veðrið var so gott í morgun bleiv avgjørt, at vit skuldu fara at renna. Vit tryggjaðu okkum áðrenn, at næmingarnir høvdu góðar skógvar við og teir, ið ikki høvdu, fingu loyvi til at fara heim eftir skóm. Aftan á morgunsangin hitaðu vit upp. Tað var sjeyndi flokkur, ið stóð fyri upphitingini. So var fari avstað og lagið var gott. Næmingarnir fingu boð um, at teir ikki máttu renna longur enn 10 km., men at øll skuldu ganga einaferð inn á Mann og útaftur. Vit hava havt ein góðan dag við frálíkum veðrið og ynskja hervið øllum eitt gott vikuskifti. Sí myndir í myndasavninum til høgru.