28. August vóru vit 6. flokkur og fiskaðu við Westward Ho. Hetta er ein kapping, sum er stuðlað av timburhandlinum Borg í Runavík.

Vit løgdu frá landi kl. 13.00 og vóru aftur á Strondum kl. 17.30

Ætlanin hjá skiparanum var at fara suður í fjørðin at fiska, men tað var eitt sindur av aldu í sjónum, so tað var ikki ráðiligt at fara ov langt út. Løgdu okkum at fiska út fyri Raktanga, men lítið og einki fekst. Fluttu suður út fyri Hvítanes, men sama skili. At enda løgdu vit okkum innanvert Eystnes, har meira fekst, men vit gjørdu einki hol í sjógvin- 30 stk í alt.

Mest smáfisk, hýsu, longu, hvíting og eina brosmu.

Fiskað varð við tráðu.

Aðrar myndir eru í myndasavninum.