Hósdagin 21. juni hevur skúlin framsýning fyri foreldrum hjá børnum í Skála skúla, frá kl. 17 - 19. Hesa síðstu tíðina hava næmingarnir arbeitt við heiminum, har fokus hevur verið á teir sjey heimspartarnar. Úrslitið av hesum arbeiði ynskja vit at geva foreldrum møguleika til at koma og síggja. Vit hugsa eisini, at vit vilja gera nakað serligt burtur úr og eta ein bita saman. Tí fara vit at heita á foreldrini um, at smyrja breyðflísar við pálegg at hava við. Pálegg kann vera t.d. livurpostei, reyði pylsa, egg, banan, kjøt, sjokoláta v.m. Um øll smyrja breyð til sín sjálvs + eitt sindur afturat, skuldi verið nokk. Meiningin er, at breyðini verða sett á borð har øll fáa sær av. Kunning um hvar tit skulu leggja breyðið, fáa tit, tá ið tit koma. Fyri at tað skal verða so nemt sum møguligt, fara vit at biðja tykkum um at leggja breyðið á ein eingangs tallerk, soleiðis, at sum minst av upptaki verður. Skúlin bjóðar kaffi, te og saft/vatn. Vælkomin :)