Góðu tit

Vit eru farin í gongd við eitt trivnaðarátak í skúlanum.

Kontaktlærarin fer at hava næmingasamrøður við sínar næmingar í vikunum 4 og 5. Í viku 4 fara øll starvsfólk  ein seinnapart á skeið í samstarvandi læring, væntandi verður eitt uppfylgjandi skeið seinni í skúlaárinum. Í viku 8 fer AKT lærarin at tosa við næmingarnar um tað at trívast. Hetta verður gjørt í innskúlingini fyri seg og miðdeildini fyri seg. Í vikunum 8 og 9 fara toymini saman við sínum flokki, at hava ein dag saman, har grundarlagið undir degnum er næmingasamrøðurnar, tó ikki hvørja einstaka, men hvat serliga skal arbeiðast við. Eitt av úrslitunum frá hesum degi skal verða, at næmingar og lærarar í felag velja sær nøkur ávís evni, sum tey skulu arbeiða saman um at broyta. Týðilig uppsløg skulu vísa á hesi evni og hvussu tey skulu broytast.

Í viku 13 fara vit at taka samanum á hendan hátt: Toymini hava aftur fund við næmingarnir, har tiltakið verður eftirmett, hvussu vit arbeiða víðari, hvat er vorðið betri, hvat skulu vit arbeiða meira við, eina felags máltíð, har næmingarnir hava ein virknan leiklut og ein  felags trivnaðardag, har bólkarnir verða blandaðir frá øllum flokkum, við serligum denti á samstarv.

 

Kvøðing

Fram til føstulávint kvøða vit eina løtu hvørja viku.

Garðdagur

Skúlastýrið skipar fyri garðdegi 23. mai frá kl.17.00 til kl.20.00  Byrjað verður við einum góðum bita. Nærri kunning kemur seinni.

Vikuætlan

Vika 08 - 2019
mán 18. feb.
Lesið minst 15 min. í krabbabók/frílesing. Venjið staviorðini: ill, hana, ikki, spæla, tað, við, tíma, Ludo.
Ítróttur/svimjing
Bæði dreingir og gentur fara í høllina at hava ítrótt. (ÓM)
rokning
rokna inni á emat: minus
týs 19. feb.
Lesið minst 15 min. í krabbabók/frílesing.
mik 20. feb.
Lesið minst 15 min. í krabbabók/frílesing.
hós 21. feb.
Lesið minst 15 min. í krabbabók/frílesing.
frí 22. feb.
Lesið minst 15 min. í krabbabók/frílesing.
Sjónleik
Vit fara til Runavíkar fríggjadagin 22.apríl kl.8.45 frá skúlanum til sjónleikin Fróði og aðrir kúllar. Næmingarnir møta til vanliga tíð og fara heim til vanliga tíð.

Eftir jólaferiuna og fram til páskaferiuna hava dreingir svimjing, meðan genturnar hava ítrótt.