Vikuætlan

Vika 08 - 2019
mán 18. feb.
týs 19. feb.
mik 20. feb.
hós 21. feb.
frí 22. feb.
Sjónleikur
Vit fara saman við restini av skúlanum til Runavíkar at hyggja eftir leikinum "Fróði og aðrir kúllar". Vit fara úr skúlanum kl 08.45. Vit møta til vanliga tíð. (ÓM)

Vika 4


Sum tit síggja á myndini høgrumeðin, so hava vit í viku 4 sett 100 talið uppá veggin. Tað merkir, at vit hava nú gingið 100 dagar í forskúla. Hetta varð feirað við at spæla bingo fríggjadagin. Myndir frá bingospælinum hanga í gongini í skúlanum.

í Viku 4 hava vit arbeitt nógv í roknibókini, og faktiskt hava vit verið so røsk, at vit verða liðug við bókina í komandi viku, og tí hava vit longu fingið eina nýggja roknibók :)

Hósmorgunin vóru vit inni hjá 1. flokki í tveir tímar, har vit tosaðu um bókstavir og gjørdu ymsar uppgávur saman við teimum.
Eisini eru vit so smátt byrjaðið at fyrireika okkum til føstulávint, tí tá fara vit at kvøða saman við restini av skúlanum. Vit hava í vikuni sungið sangirnar Kall & Svein ungi, Burtur á heiði & Veturin komin við kulda og kava.

Vika 2

So eru vit komin í gongd við 2019! Sum tit síggja á myndini, so hava vit øll fingið nýggj sitipláss í stovuni :)
Eisini hava vit fingið nýggj sitipláss í sofuni og á teppinum, soleiðis at vit sleppa at sita við liðina hjá øllum floksfeløgunum.

Eisini eru vit byrjaði uppá at tann næmingurin, sum koyrir tal upp um morgunin, bjóðar øllum vælkomnum í sofuna við at taka í hondina, high five, klemm ella øðrum. Hetta kunnu tit spyrja børnini nærri um, um tað er.

Í viku 2 hava vit arbeitt við bókstavunum T & S, og í rokningini hava vit arbeitt víðari við mynstrum, sum vit eisini arbeiddu við áðrenn jólaferiuna.

Vika 50

Jólini nærkast í hvørjum og nú eru felags jólavikurnar fyri byrjunardeildina komin til enda. Báðar jólavikurnar hava riggað sera væl, har vit í forskúlanum hava verið í bólki saman við 1. flokki. Næmingarnir hava klipt, perla, baka, málað,gingið túrar o.s.fr. 

Mikudagin høvdu jólahald, har forskúlin framførdi søguna um reyðhettu, og hetta eydnaðist eisini væl. 
Fríggjadagin 14 Desember høvdu vit jólahugna í forskúlanum, har vit opnaðu jólakalendaran og so hugnaåu vit okkum við einum jólafilmi og onkrum søtum afturvið. Myndir frá jólahugnagnum eru at síggja í myndasavninum hjá forskúlanum.

Í komandi viku er vanligt skema, tvs at vit hava ítrótt fyrstu tímarnar mánadag. Vit eru vit liðug kl 11.40 Mánadag, Týsdag & Mikudag, meðan farið verður í kirkju Hósdagin kl 09.00, og so er jólafrí eftir kirkjugongdina. Vit møta kl 08.00, sum vant Hósdagin allíkaval :)

Gleðilig jól :)

Jólavikur

Komandi tvær vikurnar (vika 49 & 50) hava vit jólavikur í skúlanum. Tiskil eru vit í skúla til kl 12.15 hesar dagarnar.
Vit hava fyrst 2 vanligar tímar í forskúlanum, og síðan eru vit í bólkum, har vit eru blandaði í bólkar saman við 1. flokki. Í bólkunum fara vit í ymisk verkstøð, so sum at klippa, baka, ganga túr o.s.fr. 

Hósdagin 6 Nov. fara vit við bussi yvir í Bylgjuna. Sí vikuætlanina omanfyri :)

Vika 47

Á teppinum eru vit farin í holt við at arbeiða við stavilsum, har vit hava tosað nógv um orð, um stutt & long orð o.s.fr. Eisini gongur við rúkandi ferð í roknibókini, og ikki gongur long tíð áðrenn vit eru liðug við bókina.

Hósdagin vóru vit á konsert hjá Steintór Rasmussen saman við øllum hinum næmingunum í skúlanum. Hetta var sera stuttligt, og tað kunnu tit lesa meir um á forsíðuni á heimasíðuni :).

Nú nærkast Desember máni í álvara, og tí eru so smátt byrjaði at klippa, líma & perla jólapynt, soleiðis at vit hava okkurt at hanga upp í stovuni, tá ið felags pyntidagurin verður í skúlanum í komandi viku. Vika 48 (komandi vika) er seinasta "vanliga" skúlavika áðrenn jólaferiuna, og eftir hetta verður skúladagurin skipaður eitt sindur øðrvísi. Hetta fáa tit nærri kunning um seinni.

GG:

  • Byrjunardeildin (forskúlin, 1,2 & 3 flokkur), hevur hugnakvøld saman við foreldrunum Mikudagin 12 Dec, og tí   fara vit komandi dagarnar at venja eitthvørt at vísa fram fyri foreldrunum á degnum. Tískil vilja vit gjarna at næmingarnir møta í forskúla mest møguligt fram til jóla, soleiðis at vit fáa vant øll saman.
  • Eisini skulu næmingarnir hava hvør sín pakka við til ein pakkakaldendara í forskúlanum. Tað skal verða eitthvørt søtt, og pakkin skal kosta 20 kr. Havið pakkan við í skúla í seinasta lagið mánadagin 3 Dec.

 

Vika 43

Eftir eina viku í heystfrítíð, eru vit farin í gongd aftur. Vit eru í viku 43 blivin liðug við bókina, sum vit kalla tí gulu bókina, har vit arbeiða við tølum. Í komandi viku fara vit at byrja uppá  okkara fyrstu roknibók.
Á teppinum hava vit arbeitt nógv við rímum & rútmum, og fara komandi vikurnar at arbeiða við orðum & setningum á teppinum.

Mánamorgunin høvdu vit okkara fyrsta ítróttartíma, og tað var sera skeg. Vit hitaðu upp og spældu ymisk spøl, og tá tímin var liðugur vóru vit mega móð. Hósdagin vóru vit fyri fyrstuferð inni í bókasavninum. Vit fóru stillisliga inn í bókasavni, har vit lurtaðu eftir einari søgu. Hetta riggaði framúr væl :)

Mikudagin í komandi viku hava vit gingið 50 dagar í forskúla, og tá fara vit at spæla bingo! - spennandi!

GG: Í gongini í forskúlanum hongur eitt pappír, har tit skulu skriva tykkum uppá eina tíð, til foreldraviðtalurnar, sum verða 13 November.

 

Vika 40


Tíðin flýgur avstað og nú ert bert ein vika inntil heystferiuna. Vit hava nú verið í forskúla í 37 skúladagar :)
Vit hava nú arbeitt við tølunum frá 1-9, har vit hava vant okkum at skriva tølini, og gjørt ymsar uppgávur.
Í viku 40 hava vit m.a arbeitt við bókstavunum F & G, og hava eisini arbeitt við rím & ramsum á teppinum.

Mikudagin vóru vit ein gongutúr niðri á gamlavegi, har vit taldu neyst. Nógv vóru boðini, har onkur av okkum taldi 3 neyst, meðan onkur annar taldi 100 neyst. - Vit fara at prøva hetta nakrarferðir afturat gjøgnum árið :) 

Vit svimja aftur næsta mánadag, og eftir heystferiuna hava vit ítrótt ístaðin fyri svimjing.

 

Vika 37


Í viku 37 eru vit byrjaði uppá at arbeiða við rímum. Vit hava tosað um rím, gjørt ymsar uppgávur við rímum við borðini, har vit skulu finna tvær myndir, sum ríma. Hósdagin høvdu næmingarnir ein lut við heimanifrá, sum rímaði við eina mynd. Hetta riggaði sera væl, og vit hava hongt mynd av næmingunum við ymsu lutunum upp í skúlastovuni :).  
Um nakrar dagar fara næmingarnir at fáa eina nýggja mynd heim við, sum tey síðani skulu finna ein lut, sum rímar við myndina.

Í vikuni hava vit eisini arbeitt við tølum, har vit hava arbeitt við tølunum frá 1-5. Mikudagin vóru vit ein gongutúr í regninum, har vit gingu ein túr í bønum. 

Spæliliðið byrjaði eisini hesa vikuna. Spæliliðið eru 2-3 næmingar úr 7.flokki, sum koma at spæla nøkur spøl við okkum í fríkorterinum. Spæliliðið er hvønn Mikudag :)

Vika 36

Í hesi vikuni hava vit gjørt alt møguligt! Í sofuni hava vit tosað um vikudagarnar, um dato, um reglarnar her á skúlanum, og eisini hava vit tosað um kenslur, har vit tosa um at verða glaður, keddur, o.s.fr.
Á teppinum hava vit arbeitt við ymsum málspølum, har vit skulu lurta væl eftir, og síðan fáa vit onkrar uppgávur út frá tí, sum vit hava hoyrt :)
Í vikuni eru vit eisini byrjaði uppá bókina "Skúlabyrjan - Eg læri tøl"l, har vit hava arbeitt við talinum 1. 

GG:

- Frá viku 37 av, so svimja vit mánadag ístaðin fyri hósdag. Vit fara við bussi úr skúlanum kl 08.00 mánamorgun.

- Vit hava avgjørt at Mikudagur er okkara útidagur, tvs at Mikudagar fara vit onkrar gongurtúrar osv.

- Tað eru onkur sum ikki hava skiftiklæðir & regnklæðir liggjandi í skúlanum. Kunnu tit fáa hetta í ordan innan Mikudagin í komandi viku, tí tey fáa oftani karm tá ið vit eru úti og ganga túrar :)

Vika 34

So er fyrsta vikan í forskúlanum farin forbí. Í vikuni hava vit havt nógvar spæliløtur, har vit hava spælt alt møøguligt!
Eisini hava vit sitið í sofuni hvønn morgun, har vit m.a hava tosað um viku-dagarnar, um dato, og um virðisgrundarløgini her í skúlanum.. at vit skulu verða góð við hvønn annan, hjálpa hvørjum øðrum o.s.fr.

Sum tit síggja á myndini, so hava vit eisinit sitið við borðini, har vit hava arbeitt við ymsum uppgávum og tosað um ymisk ting.
Hósdagin vóru vit og svumu saman við 1. flokki, og hetta var super stuttligt :)

Í komandi viku verða Ólavur & Barara á skeið Týs, Mik & Hósdagin, og tí verður tað ein annar lærari, sum kemur at verða í forskúlanum hesar dagarnar. Av tí sama, so er eingin svimjing í komandi viku, men vit verða í skúlanum í staðin :)