Ársætlan 2017-18

Ársætlan skúlans

Leiðsla skúlans ger ársætlanina, sum verður latin lærarum skúlans fyri skúlaársbyrjan


Skúlaár:  2017/18 
Skúli:  Skála Skúli 

Ársætlan Skúlans: Vit hava sett nýggja kós, og Skála skúli arbeiðir við broytingum. Vit skulu verða til reiðar at flyta okkum og okkara vanahugsanir. Vit leggja stóran dent
á LP og toymisarbeiði. Hesi skulu tryggja okkum, at vit flyta okkum saman. Samstarv og vitanardeiling er lykilin, og hetta skal metast sum fyrsta raðfesting.
Skúlin er skipaður í tvær deildir, og vit fara at leggja nógva orku í at fáa hetta at lukkast. Trivnaðurin og arbeiðsumhvørvið skulu betrast, og tað skulu vit
gera saman. Tilrættalegging og samstarv millum lærarar skal alla tíðina gerast betri.
Relatiónir og samstarv millum starvsfólk, og millum starvsfólk og næmingar, eru eitt umráðandi øki, ið vit fara at savna okkum um í LP høpi.

Árshjólið og kalendarin koma at verða týðandi amboð í okkara gerandisdegi. Heimasíðan er nýggj og skal brúkast sum ein náttúrligur partur í okkara skúla.
FirstClass er farið í søguna, og vit fara at brúka Office365 ístaðin. Heimaarbeiðið verður lagt út á heimasíðuna undir “vikuætlan”
Kunning og samskifti skulu raðfestast høgt.
Allir næmingar hava ein ”kontakt/floks lærara”, sum er sambindingarliður millum heim og skúla.

 

Trivnaðar- og undirvísingartiltøk:  Toymini gera sjálvi av hvørjar túrar tey fara.
• Rennidagur er ein góðan dag í september/oktober.
• Jólavika
• Jólahald
• Føstulávintshald
• Útferðir
• Hugnaløtur


Í mai og juni skipa vit fyri ymiskum t.d.
• Ítróttardegi,
• Túri í hagan,
• Grilldegi
•  4. flokkur og 6. flokkur fara á seturskúla.

Tíðarætlan Tíðarætlan fyri tiltøk avtala vit í felag.